15 de junio de 2021, 1:44
A xira de 32m2 chega ao seu fin. A última creación teatral de ButacaZero, a plataforma creativa dirixida por Esther F. Carrodeguas e Xavier Castiñeira, celebrará o vindeiro domingo 20, a partir das 18.00 horas, a súa derradeira función. O Auditorio de Goián, en Tomiño, é o escenario elixido para representar, ante o público, o último pase desta peza de
teatro absurdo sobre o encerro total da pasada primavera, que tomou como referencia as propias vivencias do tándem artístico.
