O Concello de Ponteareas instalará unha pechadura electrónica na biblioteca pública municipal para ofrecer acceso 24 horas a persoas adultas con necesidades xustificadas de estudo fóra do horario habitual, segundo anunciou o concelleiro de Ensino e Letras, Ricardo González.
Esta medida permitirá que usuarios que non poidan estudar durante o horario de apertura xeral (de luns a venres de 08:00 a 21:00 e sábados de 10:30 a 13:30) accedan á biblioteca mediante un código. Para iso, deberán presentar unha solicitude na biblioteca explicando a súa necesidade e achegando documentación que a avale.
Para garantir a seguridade e o bo uso das instalacións, instalaranse cámaras de seguridade e delimitaranse as zonas de acceso. Unha vez finalizadas as obras, o Concello informará sobre a dispoñibilidade deste novo servizo. A alcaldesa, Nava Castro, explicou que esta é unha medida transitoria mentres se avanza no proxecto da nova biblioteca pública, destinada a satisfacer a demanda de estudantes, opositores e persoas que traballan. Ademais, lembrou que está en marcha a licitación para a reforma da nave de Aceros del Tea, futuro emplazamento da nova biblioteca.
