Fin de semana crave e decisivo para os intereses dos equipos galegos que toman parte na última xornada do Campionato Nacional de Liga tanto en División de Honra como de Primeira División.
No Campionato de División de Honra, todo a priori suma a favor para que o Ría na categoría femenina e a Sociedad Gimnástica na masculina, logren a súa permanencia un ano máis no máximo grupo do atletismo estatal.
O Ría Ferrol viaxa a terras donostiarras a un encontro octogonal no que parte na terceira posición con catro puntos. Por diante das departamentais tan só as formacións de Universidad de León e Atletismo Catalunya cos mesmo puntos, pero mellor coeficiente de postos, parten a priori como favoritas neste encontro. Talia Mara Pérez, Marta Pla, Paula González, Marina Bagur, Rocío Díaz, Diana Jiménez, Elena Llobera e a galega Diaou Diallo formarán parte importante da médula do conxunto vermello.
Na categoría masculina a Sociedad Gimnástica acude ao Polideportivo de Aluche en Madrid para competir nesta fase de permanencia onde comparte papel de favorito xunto ao Tenerife Cajacanarias a quen xa derrotara na última xornada disputada en Barcelona. A formación capitaneada polo seu gran capitán Victor Gallego, viaxa con moita confianza e con gañas de poñer un bo punto e peche a este campionato.
Oriol Madi, Iñaki Canal, Roberto Tello, Alberto Moral, Anxo Simón e os galegos Carlos Revuelta, Pablo Bocelo, Carlos Porto, Anxo Blanco e Daniel Chamosa entre outros, serán algúns dos encargados de apontoar a permanencia pontevedresa
Dous encontros moi distintos na Primera División
Tres equipos galegos compiten na terceira e última fase do Campionato Nacional de Liga de Primeira División con obxectivos moi distintos.
Na categoría masculina o Real Club Celta logo dun campionato moi destacado, volve estar novamente coma xa fixera o ano pasado, na loita pola ascenso directo nun octagonal que disputará en La Nucía. Os celestes, que parten de cuartos neste encontro, terán diante deles a importantes conxuntos como L´Hospitalet, Cornellá, Alcorcón e Elche quenes se perfilan como favoritos a cubrir unha desas dúas prazas que dan acceso á División de Honra. Malia elo, o equipo viaxa con moito optimismo e moitas gañas de competir na procura dese soñado ascenso e onde Pedro Vázquez, Hugo García, Sergio Coello, Miguel Granado, Yago Araujo, Javier García, Raúl Cortizo e Xoel Otero serán pezas fundamentais dese obxectivo.
Na categoría feminina Sociedad Gimnástica e Atletismo Feminino Celta terán en cambio, que pelexar por manter a categoría logo de que ambas formacións se presenten neste octogonal nos postos quinto e sexto respectivamente. As gimásticas que comezaron ben o campionato, complicáronse na segunda xornada na que tan só foron capaces de acadar un punto, o mesmo que as viguesas que tan só sumaron un punto nos dous encontros. A priori o máximo obxectivo será estar por diante dos equipos do CA Silla e Hinaco Monzón quenes ocupan as últimas prazas.
Para elo desprazarán ata o Estadio de Monzón a toda a artillería pesada á cabeza das cales se atopan as medallistas europeas Alice Finot do Celta e Antía Chamosa da Gimnástica. Xunto ás mesmas destaca a participación de María Carballido, Charlotte Elis, Carlota Salgado, Lisa Vosberg, Uxía Paz, Raquel Villa e Paula Piñón por parte do Atletismo Femenino Celta e de Lucía Ferrer, Isabel Caeiro, Andrea Villaverde, Claudia Puig e Andrea González por parte da Gimnástica de Pontevedra.
A terceira xornada disputarase a un atleta por proba e un equipo nas substitucións. Nesta última xornada os clubs obterán de 8 a 1 puntos en función da súa clasificación nesta terceira xornada que, sumados aos puntos obtidos nas dúas primeiras xornadas determinarán a clasificación final no Campionato de España de Clubs.
Na División de Honra o primeiro clasificado da global será o Campión de Liga, e na Primeira División o gañador xunto co segundo clasificado ascende á División de Honra.
Os clubs clasificados nos postos 7º e 8º nos encontros de permanencia descenden de categoría.
