A selección feminina firmaba a súa presencia nesta nova gran cita con dúas galegas nas súas filas. Nikol e Lucía, que compartían equipo nada máis e nada menos coa tricampiona do mundo e campiona olímpica Carolina Marín, axudaron en gran medida a conseguir o pase ao Europeo. As nosas conseguían un tres de tres a favor disputándose a praza fronte a Italia, Suecia e Luxemburgo.
A pasada fin de semana tiveron lugar as fases clasificatorias para o Campionato de Europa que será en Polonia do 14 ao 18 de febreiro.
A cara triste da moeda nesta ocasión, foi para a selección masculina, que non logrou o pase ao Europeo tras perder no último encontro pola mínima ante Holanda. Jacobo Fernández, do CB Cíes, foi o encargado de representarnos e deixar moi alto o nivel da selección absoluta.
