A vicepresidenta da Deputación de Pontevedra, Luisa Sánchez, asistiu hoxe en Vigo á clausura da Asemblea Xeral Ordinaria da Confederación Empresarial de Pontevedra (CEP), un acto que contou coa participación do recoñecido xornalista e profesor de comunicación Manuel Campo Vidal.
A xuntanza empresarial incluíu a proxección dun vídeo que repasou as actividades desenvolvidas polo consello asesor da CEP. Posteriormente, tomaron a palabra o presidente da entidade, Jorge Cebreiros, e a vicepresidenta, Sabela Pérez, para analizar a situación e os retos do tecido empresarial da provincia.
A clausura da Asemblea Xeral Ordinaria correu a cargo do presidente do Parlamento de Galicia, Miguel Ángel Santalices, quen destacou a importancia do diálogo e a colaboración entre as institucións e o sector empresarial para impulsar o desenvolvemento económico e social da provincia de Pontevedra.
