A directora de Turismo de Galicia, Nava Castro, participou na inauguración do I Congreso Internacional de Cooperación Turística- ASICOTUR e posteriormente na mesa redonda "Adaptación do turismo rexional á nova realidade: casos de éxito de cooperación transfronteriza", onde puxo en valor a dinamización do turismo galego e a importancia da celebración destes foros de encontro do sector.
A directora de Turismo de Galicia, indicou que os novos retos aos que se enfronta o sector turístico, como son a globalización e a competitividade,este tipo de congresos sexan indispensables, xa que permite intercambiar información entre os diferentes actores do sector e analizar as melloras que se poden realizar.Ademais, na súa intervención, Castro destacou o potencial turístico que ten Galicia, incidindo en que “Galicia está de moda gracias a un modelo que fuxe das masificacións e que aposta por fórmulas tranquilas que combinan natureza, gastronomía, patrimonio e sobre todo un entorno e un destino seguro”.
Tamén fixo fincapé no papel de Santiago de Compostela como meta da peregrinación internacional dende o século XI, consolidándose actualmente como un destino seguro e de calidade.
Así mesmo, puxo en valor o papel do Ano Xacobeo na recuperación da oferta turística da nosa comunidade, subliñando o éxito de chegada de peregrinos coa mellora sanitaria, con máis de 80.000 Compostelas seladas no que vai de ano.
O Congreso organizado pola Asociación Internacional para a Cooperación Turística (ASICOTUR) ten como finalidade o fomento da cooperación entre destinos do sector turístico mediante a transferencia de coñecementos entre eles.
Durante os dous días de duración do congreso, impartiranse conferencias por parte de especialistas no sector e realizaranse mesas redondas onde diferentes actores intercambiarán puntos de vistas sobre temas de actualidade do sector turístico.
