O presidente da Deputación de Pontevedra, Luis López, anunciou a aprobación dunha subvención de 100.000 euros destinada ás agrupacións de Protección Civil da provincia. Esta é a primeira vez na historia do organismo provincial que se concede unha axuda deste tipo, destinada a mellorar e modernizar os equipamentos e o servizo destas agrupacións.
O anuncio foi feito durante un encontro institucional con voluntarios de toda a provincia, celebrado no Salón de plenos do Pazo provincial. O presidente López, acompañado polo deputado responsable da área de Emerxencias, Alejandro Lorenzo, quixo destacar o compromiso do goberno provincial cun servizo "esencial" para a seguridade e a cohesión do territorio.
Alejandro Lorenzo, diputado de Emergencias, destaca la importancia de escuchar y atender las necesidades de Protección Civil.
Unha axuda sen precedentes
A subvención, que será aprobada no pleno da Deputación do vindeiro venres, permitirá ás agrupacións de Protección Civil adquirir material, modernizar os seus equipos, recibir formación e, en definitiva, prestar un mellor servizo á cidadanía. "É unha axuda para que o servizo de Protección Civil da provincia de Pontevedra siga a ser punteiro e de referencia", resumiu o presidente López.
Recoñecemento ao labor dos voluntarios
O presidente da Deputación expresou a súa admiración, orgullo e gratitude polo labor dos voluntarios de Protección Civil, que "dan o mellor de vós mesmos, poñedes o voso tempo e os vosos recursos". Tamén destacou que este é un logro histórico, xa que "nunca antes conseguiramos reunirnos coa Deputación, estamos agradecidos de que nos abriran as portas para escoitar as nosas necesidades", afirmou Javier Lois, presidente da Asociación Provincial de Protección Civil.
Compromiso coa seguridade da provincia
A colaboración da Deputación cos servizos de emerxencias da provincia non se limita ás agrupacións de Protección Civil. O organismo provincial tamén aprobou recentemente un convenio laboral e unha nova RPT para os traballadores dos catro parques de bombeiros do Consorcio Provincial de Emerxencias, e está a levar a cabo un programa de mellora e modernización dos seus equipos.
