Mañá mércores, 19 de marzo, a Asociación de Periodistas de Galicia (APG) participará na xornada "Afganistán: Ser muller no mundo talibán", que terá lugar na Facultade de Comunicación do Campus de Pontevedra. Un evento que busca sensibilizar sobre a situación das mulleres baixo o réxime talibán.
A xornada, que conta coa colaboración da Biblioteca Central do Campus de Pontevedra, ofrecerá dúas exposicións: unha mostra bibliográfica sobre "A muller nos conflitos armados" e unha exposición de pintura en acuarela titulada "Afganistán: O cárcere azul", da artista Edurne Lesta.
O evento culminará coa estrea do documental "Gorrións entre tulipáns. Soños rotos detrás do burka" (2024), unha produción que promete ofrecer unha visión profunda e conmovedora da realidade afgá.
A entrada á xornada é de balde, polo que se invita a toda a comunidade universitaria e á sociedade pontevedresa en xeral a participar nesta importante iniciativa.
PROGRAMACIÓN
Xornada: Afganistán: Ser Muller no Mundo Talibán
Organización:
- Financiamento: Unidade de Igualdade da Universidade de Vigo (solicitado)
- Responsable académica: Anna Amorós Pons
- Colaboración: Biblioteca Central da Universidade de Vigo - Campus Pontevedra
Comité Científico:
- Anna Amorós Pons (Directora, Universidade de Vigo)
- Susana Domínguez Quintas (Secretaria, Universidade de Vigo)
- Silvia Alende Castro (Universidade de Vigo)
- Sol Alonso Romera (Universidade de Vigo)
- Patricia Comesaña Comesaña (Universidade da Coruña)
- M.ª Olga Fontán Maquieria (Universidade de Santiago de Compostela)
- Aurora García González (Universidade de Vigo)
- Mar Llinares García (Universidade de Santiago de Compostela)
- Sandra Martínez Costa (Universidade da Coruña)
- Talia Rodríguez Martelo (Universidade de Vigo)
Público Obxectivo:
- Alumnado, profesorado, persoal técnico de xestión, administración e servizos da comunidade universitaria e á sociedade pontevedresa en xeral.
Programa:
- 11:30 h: Inauguracións
- Lugar: Biblioteca Central do Campus de Pontevedra
- Mostra Bibliográfica: "A muller nos conflitos armados"
- Presenta: Ana Quiroga Fraga (directora da Biblioteca Central da UVIGO - Campus Pontevedra)
- Exposición: "Afganistán, o cárcere azul", ilustracións en acuarela de Edurne Lesta (artista plástica) sobre a muller no mundo talibán, realizadas en exclusividade para o documental.
- Presenta: Sol Alonso (Profesora de Belas Artes, Universidade de Vigo)
- 12:00 – 13:00 h: Conferencia: "A honra dos homes, a dor das mulleres"
- Lugar: Sala de Graos
- Relatora: Mar Llinares García (Profesora titular de Historia, Universidade de Santiago de Compostela)
- Presenta: Aurora García González (Universidade de Vigo)
- 13:00 – 14:00 h: Mesa redonda: "O tratamento da información nos medios de comunicación sobre a situación das mulleres e nenas en Afganistán"
- Lugar: Sala de Graos
- Interveñen: Alumnado do 1º curso do Grao de Publicidade e RRPP da Facultade de Comunicación
- 14:00 – 16:00 h: Pausa para xantar
- 16:00 – 17:00 h: Mesa redonda: "Sensibilización contra a violencia de xénero"
- Lugar: Sala de Graos
- Interveñen: Silvia Alende Castro e Anna Amorós Pons (Universidade de Vigo)
- Modera: Talia Rodríguez Martelo (Universidade de Vigo)
- 17:00 – 18:00 h: Conferencia: "Os medios de comunicación, decisivos para avanzar na igualdade"
- Lugar: Sala de Graos
- Relatora: María Méndez (Presidenta da Asociación de Periodistas de Galicia)
- Presenta: Susana Domínguez Quintás (Universidade de Vigo)
- 18:00 – 18:30 h: Presentación do Documental: "Gorrións entre tulipáns. Soños rotos detrás do burka" (2024)
- Lugar: Aula de Cine (aula-3)
- (Guión: Anna Amorós Pons e Olga Fontán Maquieira; Dirección: Anna Amorós Pons; Música orixinal: Nuria Gómez Otero e Adela Rial Pereira)
- Interveñen:
- M.ª Olga Fontán Maquieira (Directora de Servimav, Universidade de Santiago de Compostela)
- Anna Amorós Pons (Co-guionista e directora)
- 18:30 h: Estrea do Documental
- Lugar: Aula de Cine (aula-3)
- 19:15 h: Clausura da Xornada
