Durante toda esta semana veuse celebrando a Semana de Redución de Residuos na que reclamamos ás empresas alternativas duradeiras aos plásticos dun só uso e demandandolle alternativas ao uso desmedido de plásticos.
Desde Amigos da Terra esiximos accións de redución en orixe, prohibindo os produtos plásticos facilmente sustituibles, establecendo porcentaxes de redución vinculantes e optando por envases reutilizables e produtos a granel. Nesta liña é necesaria a implantación de sistemas de xestión que axuden na transición ao residuo cero, como son os sistemas de depósito e retorno, recomendados pola Comisión Europea, que aumentan as porcentaxes de reciclaxe e permiten a reutilización de envases. Para rematar, é necesario que as empresas que poñen no mercado produtos de plástico de usar e tirar, asuman a súa responsabilidade, asegurando e financiando a totalidade da recolleita, preparación para a reutilización e reciclaxe.
Dentro desta Semana Global de Redución de Residuos, Amigos da Terra organiza para este sabado 16 de novembro, a partir das 17.00 horas, unha actividade práctica an que realizaremos un taller de identificación de microplásticos de areas das nosas praias, poñendo o foco na problemática ocasionada pola contaminación de plásticos nos ecosistemas mariños e terrestres.
