No enclave empedrado da Rúa Real, diante do restaurante "Fai Bistes", moi preto do mural "Muchacha na ventana", copia da obra do inesquecible pintor Salvador Dalí, a carón daquela imprenta Juan Compañel, saiu en papel o libro Cantares Galegos de Rosalía de Castro. Andaba a nena Xiomara Torres cunha maqueta dun submarino, procedente do obradoiro de Ernesto Millos, polifacético que ten a súa morada no piso de arriba do afamado restaurante, onde exhibe a colección de maquetas de barcos, realizados con tablilla aglomerada, espertando o interese dos comensais e peregrinos que se sentan nas cadeiras das mesas na terraza, abeirando o Camiño Portugués, a poucos metros da concatedral coñecida por Colexiata e da Casa Arines, edificio máis antigo da cidade, declarado Monumento Histórico-Artístico, restaurado polo arquitecto Alfonso Penelas na década dos noventa, hoxe albergando o Instituto Camoes, máis coñecido como a Casa de Portugal en Vigo.
Moitas razóns para transitar por este lugar.
