ARQUIVO.

O pregón de Corpus, a presentación da revista Pregón e o concerto Clarisax poderán seguirse en Youtube

A concelleira Cristina Fernández lembra que a través da canle de youtube do Concello poderán seguir en directo o acto de lectura do pregón que este ano é a cargo do escritor pontearéa Alfonso Pexegueiro e que terá lugar o sábado día 13 ás 21 horas. A continuación, presentarase a revista PREGÓN e todos e todas as telespectadoras gozarán do concerto de CLARISAX.

A continuación, a partir das 22 horas, farase un percorrido polas rúas engalanadas coa participación dun grupo musical de ruada acompañando á actriz Isabel Risco que se dirixirá aos espectadores online e animando á veciñanza a saír ao balcón e a participar na emisión en directo intervindo a través dun micro-pértiga.

Ao remate do percorrido polas rúas do Corpus cos balcóns e fachadas engalanadas, emitiranse vídeos de arquivos históricos das alfombras das últimas décadas.

Unha vez remate a emisión en directo, a programación estará dispoñible para que calquera persoa poida volver a visualizala.

O luns día 15, festivo local, celebrarase, con aforo limitado, a habitual homenaxe aos alfombristas falecidos, depositando un ramo de flores na escultura que os lembra.

As actividades programadas contan co apoio da Deputación de Pontevedra, mediante un convenio de 8.000 euros para a celebración do Corpus Christi, Festa Declarada de Interese Turístico Internacional

Print Friendly, PDF & Email
Me gusta
Me gusta Me encanta Me divierte Me asombra Me entristece Me enfada
2