A concelleira de Deportes, Nahir Covelo, convida
a todas as e os xadrecistas de Ponteareas e da comarca a inscribirse na III
partida simultánea de xadrez coa WIM Yudania Hernández.
Este encontro coa nosa afamada xadrecista será
na carpa da praza Maior o vindeiro venres día 13 de 16:30 a 19 horas.
O prazo de inscrición estará aberto ata o
vindeiro mércores día 11 a través do mail [email protected] e será totalmente de balde.
Co obxectivo de promocionar este deporte no noso
concello, o Club Xadrez Ramiro Sabell convida a todos os nenos e a todas as
nenas maiores de 6 anos con nocións básicas de xadrez a participar e aprender
coa gran Yudania, mestra internacional feminina de xadrez, catro veces campioa
de España individual e por equipos, olímpica por Cuba e España en diferentes
ocasións e adestradora da selección galega e española en idades escolares.
Nahir Covelo destaca a espectacularidade deste
tipo de partidas na que a mestra Yudania terá que enfrontarse a múltiples
xogadores facendo gala dun extraordinario poder de concentración.
