Como non podía ser doutro xeito a programación de
Nadal do Concello de Mos inclúe a tradicional Cabalgata de Reis que se
celebrará o domingo 5 de xaneiro en Sanguiñeda. A alcaldesa de Mos, Nidia
Arévalo, e a concelleira de Cultura mosense, Sara Cebreiro, presentaron hoxe as
bases da Cabalgata, xa que mañá ábrese o prazo de presentación de solicitudes
para os participantes na mesma.
A deste ano será unha Cabalgata de Reis moi
especial, xa que estará inspirada e ambientada en ‘La Vuelta Ciclista a
España’, temática na que deberán basearse os deseños das carrozas
participantes.
O pasado venres abríase a programación de Nadal do Concello de Mos cun acto
oficial de acendido do alumeado navideño na rotonda das Angustias en
Sanguiñeda, no que a alcaldesa de Mos, Nidia Arévalo, e o ciclista mosense e
embaixador de ‘La Vuelta’ Óscar Pereiro, anunciaban unha gran sorpresa, o
agasallo de Nadal para todos os mosenses, consistente en ser saída dunha etapa
de ‘La Vuelta Ciclista a España 2020’.
O ano 2020 será especial para o municipio mosense porque por primeira vez
na historia, ‘La Vuelta Ciclista a España’ sairá desde Mos, na única etapa que
haberá na provincia de Pontevedra e unha das 3 etapas que haberá en Galicia. A
etapa con saída desde Mos será número 18 e terá lugar o xoves 3 de setembro ás
13.00 horas, e desde o Concello de Mos e a organización de ‘La Vuelta’ estase a
estudar cal será a ubicación exacta desde onde se producirá a saída.
É por elo que desde o Concello de Mos decidiuse tamén ambientar a Cabalgata
de Reis neste evento deportivo tan destacado.
A concentración previa ao desfile das carrozas e
rondallas participantes terá lugar no concesionario da Renault en Sanguiñeda,
ás 17:30 horas, para ás 18:00 horas desfilar cara ó final da Avenida de
Sanguiñeda. As carrozas e rondallas seguirán o orde que quede establecido no
sorteo a realizar unha vez finalice o prazo de inscrición dos participantes.
As solicitudes de participación unicamente
poderán presentarse a través da sede electrónica do Concello de Mos. O
prazo de presentación de solicitudes comeza, como xa se dixo, mañá día 10 de
decembro e remata o 19 do mesmo. No caso do Belén Vivinte, se houbese máis de
unha solicitude para esta categoría, procederase a efectuar un sorteo entre os
interesados.
No apartado de carrozas poderán participar todas as
asociacións veciñais e culturais do Concello de Mos. O obxecto do
concurso é a confección de carrozas por parte das asociacións do Concello de
Mos para participar na Cabalgata de Reis. Concederase unha axuda económica de
800,00 € ás carrozas participantes ate ó límite máximo de 5.000,00 euros
prorrateándose este importe no seu caso.
No apartado de rondallas só poderán participar
rondallas do Concello de Mos. As cales actuarán ó longo do percorrido do
desfile así como unha actuación individual ó remate da cabalgata.
Concederanse unha axuda económica de 1.000,00 € ate un máximo de
4.000,00€. As condicións mínimas para poder optar á axuda pola participación
neste apartado son: mínimo de compoñentes 60 persoas, actuación ó remate da
cabalgata 10 minutos.
No apartado de Belén Vivinte poderán participar
todas as asociacións veciñais e culturais do Concello de Mos. O obxecto
do concurso é a recreación dun belén vivinte que será exposto no propio día da
cabalgata. Concederanse unha axuda económica de 700,00 € á asociación
encargada de recrear o belén.
O concurso de carrozas constará de tres premios:
1.º Premio de 500,00 €, 2.º Premio de 300,00 € e 3.º Premio: 200,00 €.
