Combate estelar, Charly "Spartan" López do Spartan disputará o seu 6º combate de boxeo profesional

O próximo 11 de Maio volve o boxeo a Porriño da man do clube Ckm Combat e Spartan Team de Tomiño que serán os encargados de organizar un evento de boxeo no que os aficionados poderán disfrutar de combates amateurs, neoprofesionais e mesmo boxeo profesional. 

Contarase coa presencia de puxiles e clubes que se achegaran dende Salceda (kick&box salceda), Vigo(Luciano Team, Flow combat), Marin(Team Thunder) ou mesmo dende Guimaraes (Vitoriqa boxe Portugal) para enfrontar e acompañar neste gran evento aos puxiles locais, David Lopez, Luis Alberto e Filipe Amoedo do Spartan Team de Tomiño nos seus combates amateurs; Sara Vieitez e Alex Castro do clube Ckm de Mos disputarán combates de boxeo neoprofisional e como combate estelar e para fechar o evento, Charly "Spartan" López do Spartan disputará o seu 6º combate de boxeo profesional.