Xosé Benito Reza presenta 'Ciencia e Misterio en Celanova' na Casa dos Poetas

Este sábado, 22 de xuño, ás 12:00 horas, terá lugar na Casa dos Poetas de Celanova a presentación do libro "Ciencia e Misterio en Celanova", da autoría de Xosé Benito Reza. Acompáñano no acto Maximino Rodríguez e Noelia Domínguez, deseñadora da edición.

Na mesma vivenda do autor de "A Virxe do Cristal", poema de máis de mil versos, Xosé Benito disertará sobre arte, historia, enigmas e misterios, temas que lle son queridos e que o reconfortan. Ademais, presentará a obra, compartida coa súa filla Cristal, "Ciencia e Misterio en Celanova".

O escritor, Premio Antón Losada Diéguez de Creación Literaria, Xuíz Honorario do Couto Mixto, Arraiano Maior e Premio Alecrín 2024 da Federación de Entidades Galegas en Cataluña, ofrece nesta ocasión unha obra sobre as súas experiencias e investigacións arredor de San Miguel e a súa contorna. O libro inclúe un último capítulo dedicado á vida de San Rosendo, fundador de Celanova."