Ucrania Mella: A loita silenciosa dunha muller pioneira contra a guerra e o fascismo

Foi mestra de piano e tamén estudou Belas Artes na Escola de Artes e Oficios de Vigo. Desde moi nova, Ucrania Mella dedicou a súa vida á defensa dos dereitos das mulleres e ensinou a escribir ás veciñas do barrio de Lavadores.

Esta tarde será protagonista na Sede de Vigo da Deputación de Pontevedra, nun faladoiro enmarcado no programa da institución provincial. A deputada de Igualdade, Sandra Bastos, abrirá o acto ás 17:00 horas, para despois pasar a palabra a Iria Presa, filóloga, investigadora e promotora cultural, estudiosa tanto da vida de Ucrania Mella como da súa figura paterna, Ricardo Mella.

Durante o acto, que comezará ás 19:00 horas, Presa achegará ao público a historia de Ucrania Mella, quen tamén foi contable nunha Agrupación de Mulleres contra a guerra e o fascismo durante a Segunda República. A súa intervención tamén incluirá detalles sobre Evangelino Taboada, o reloxeiro do Instituto Santa Irene, membro dos Ateneos de Vigo e Lavadores, que deixaba a súa reloxeiría á disposición de actos comprometidos coa loita social e política. Tras ser encarcerado, Taboada levou a cabo unha tarefa simbólica de resistencia, fabricando un reloxo de madeira cos paus que lle daban na comida na prisión.