O Rosal inspira a Irene Parga Todorof: Lenzos nacidos entre O Picón e A Cereixeira

En días recentes chegou ata O Rosal, procedente de A Coruña, Irene Parga Todorof co fin de subir a O Picón e A Cereixeira, coñecer o enclave da muiñada, en plena natureza, tendo a sorte, xa que lle sobraron tonalidades esa tarde, para trasladalas ás telas.

A viaxe tiña esa explicación, pois a moza coruñesa é artista.

Déronse conta cedo, desde idade temperá, o que a levou a estudar un ciclo Superior de Ilustración, na Escola Pablo Picasso da Coruña, sendo alí onde tivo contacto profundo co mundo artístico.

Continuou estudos universitarios en Pontevedra e, cunha beca Séneca, cursou terceiro de carreira en Barcelona.

Foi na cidade condal onde realizou o primeiro mural remunerado.

No último ano, coa colaboración de cinco creadores, organizou a exposición "Natureza instalada", actuando como comisaria, o que lle permitiu experimentar desde outra perspectiva, afastada do rol de artista, resultando unha experiencia enriquecedora.

Chegou despois a primeira mostra individual "M! METAMORFOSIS", sendo seleccionada cunha Beca da Deputación da Coruña, podendo así realizar un Máster de Animación 3D, na Escola de Novas Tecnoloxías na CICE, na capital de España.

Parga Todorof, cunha pincelada expresiva e matérica, está volcada nestes días nun cadro que formará parte, con outros artistas da península, no proxecto plástico "Os Muiños de O Picón e O Folón a través da pintura", un evento internacional que dará comezo nos primeiros meses deste ano, nunha das Salas de Exposicións situadas no Camiño Portugués, para despois continuar facendo o propio por espazos museísticos, entre Lisboa e Santiago de Compostela.