Miles de persoas gozaron da primeira fin de semana das Festas de San Telmo en Tui
A primeira fin de semana das festas de San Telmo en Tui foi un éxito de participación, congregando a miles de persoas que disfrutaron dunha variada programación que incluíu música, gastronomía e a entrega dos Premios Cidade de Tui.
Un dos momentos máis destacados foi o concerto de Heredeiros da Crus, que fixo vibrar a preto de seis mil asistentes na tarde do domingo. O lendario grupo galego presentou o seu novo traballo e repasou os seus grandes éxitos durante dúas horas de potente rock.
Na noite do sábado, por motivos de seguridade, suspendeuse o I Encontro de Bandas de Gaitas e o concerto de G-Face, que finalmente terá lugar o xoves 24 de abril. O Encontro de Bandas de Gaitas aprazouse por cuestións de axenda das agrupacións locais.
O Teatro Municipal acolleu a entrega dos Premios Cidade de Tui, que recoñeceron a Manuel e Marita Vázquez de la Cruz a nivel individual, e á Sociedad Tuy Salceda a nivel colectivo. Tamén se realizou un recoñecemento póstumo a Javier Sánchez de Dios, Xabier Añoveros Trias de Bes e Xosé Martínez Tato. Tras a entrega, inaugurouse a mostra “A fermosura do pequeno” con maquetas de José Martínez Clotet, destacando unha de Tui e Valença unidas pola ponte internacional.
O IV Encontro de Viños da Raia no Mercado de San Antonio foi outro gran éxito, superando as expectativas con máis de 1.300 copas conmemorativas vendidas. Participaron numerosas adegas da raia e establecementos de hostalería, nun evento que foi recoñecido como Festa Sostible. O actor Avelino González deu o pregón das festas neste mesmo espazo, que tamén acolleu actuacións de charangas.
A fin de semana culminou co tradicional Festival Folclórico Festas de San Telmo no Teatro Municipal, onde nove agrupacións tudenses amosaron a riqueza do folclore e a vestimenta tradicional galega.l