Julio Mourenza ofrecerá un recital de piano dentro do 'Ciclo Bauhaus'

A Real Academia Galega de Belas Artes (RAGBA) ten en marcha o “Ciclo

Bauhaus”, unha serie de conferencias que comezaron o pasado mes de outubro e se

prolongarán ata xaneiro do vindeiro ano. Están enmarcadas nos “Martes das

Artes” que promove a Academia. O ciclo componse de sete conferencias e un

concerto sobre este transcendental movemento artístico alemá. Todas estas

actividades celébranse no salón de actos da Academia (praza Pintor Álvarez de

Sotomayor, 1), ás 20:00 horas.

Nesta

iniciativa colaboran a Xunta de Galicia, a Deputación da Coruña, o Concello da

Coruña, a Deputación de Ourense e a Deputación de Lugo.

Mañá martes, 3

de decembro, celebrarase un recital de piano da man de Julio Mourenza, director do Conservatorio Superior de Música

da Coruña. Interpretará Seis pequenas

pezas para piano do compositor e pintor austríaco de orixe xudeu Arnold Schoenberg.

De seguido soarán varias pezas para piano do tamén austríaco Josef Matthias

Hauer e a Sonata para piano do músico

húngaro Béla Bartók. O recital concluirá coa obra In a landscape do compositor estadounidense

John Cage.