O impacto da intelixencia artificial nos medios de comunicación

A Asociación de Periodistas de Galicia (APG) presentará mañá, martes 7 de novembro, o oitavo número da súa revista de estudos de comunicación “Comunica”, o primeiro en formato dixital, que reflexiona -gracias á participación na publicación de xornalistas, profesores e expertos de moi diversos ámbitos- sobre o impacto da intelixencia artificial nos medios de comunicación.

Será nun almorzo informativo que terá lugar ás 10,00h, no hotel Puerta del Camino de Santiago de Compostela, no que intervirán a presidenta da APG, María Méndez; o coordinador de “Comunica” e membro do Consello Directivo da APG, Octavio Rodríguez Nieto; o catedrático de Xornalismo da Universidade de Santiago de Compostela (USC), Xosé López García; e o decano da Facultade de Enxeñería e Tecnoloxía Empresarial da Universidade Intercontinental da Empresa (UIE), Eladio Dapena González.