Fausto Eduardo López: O tenor asturiano que conquista as rúas de Vigo e a televisión

Están as nubes chorrando
Por un amor que morréu
Están as rúas molladas
De tanto como chovéu

A voz ecoaba nas paredes da rúa do Príncipe aquela mañá de agosto, como outros tantos días, non só no corazón da cidade de Vigo, senón tamén na Boa Vila, moi preto da igrexa de A Peregrina.
Fausto Eduardo López críase en Xixón, mais o seu berce está en Oviedo. Subiu por primeira vez a un palco en 1972 coa Agrupación Artística Gijonesa, onde estivo aproximadamente tres anos. Chega a Vigo en 1975 para integrarse no Grupo Musical Los del Atlántico, cantando nos palcos de aquí e de aló coa formación de Humberto Míguez, durante seis meses.

Pasados uns anos como solista en diversas discotecas, como Charango, Harmony, entre outras, ata que en 1977, Bugallo, da Orquestra Pao, convídao a integrarse na formación pontevedresa durante esa temporada. O inesquecible Pepe Exposito, representante de Pontevedra, brindoulle despois a oportunidade de estar dous anos en Caravana Show de Marín (1978-1980) e outros tantos (1980-1982) na afamada Orquestra Poceiro, que fundara Benito á beira do Lérez.

En 1983 queda 2º clasificado no programa “Gente Joven” e 1º no Festival de Canción Lixeira, Premio Cidade de Vigo, dando un salto para formar parte dunha das mellores orquestras do momento, Sintonía de Vigo, fundada por Varela, substituíndo ao vocalista Xosé Antonio. Un elenco musical afamado no que permaneceu de 1983 a 1991, percorrendo as festas da xeografía galega e asturiana.

Espectáculos Carla invítano a integrarse en Verano Azul no período 1993-1996, pasando máis tarde a formar parte do Trío Scala Musical, onde permaneceu 7 anos.

Foi tenor de Marta Sánchez no programa "La Batalla de los Toros" (Cadena 4) e durante catro tempadas no grupo vigués Talisman, amenizando verbenas nos concellos circundantes, ata que chegou ao programa ¡Tú sí que vales! de Telecinco, quedando finalista con "Violetas Imperiales" e, na segunda edición, conseguindo ser número 1.

Colaborou na TVG entre 1999 e 2000 en programas como Boas Noites, Ruada, Luar, Tardes con Ana Kiro e Supermartes.

De 2013 a 2017 cantou ópera en Canarias en teatros, auditorios e hoteis, para despois moverse á Comunidade Valenciana, onde residiu ata 2020.

Chega a Vigo e a pandemia pillao, pero tivo a oportunidade de instalarse na rúa do Príncipe, onde continúa con gran éxito, igual que na cidade de Pontevedra, explotando a nova faceta de música nas rúas, nas que lle vai moi ben.

En horas recentes, á beira da rúa, mesmo onde cantaba, dirixiuse ao cronista para dicir: "Non te olvides, esta noite Got Talent".

E non dubidou este que escribe en seguir o concurso televisivo de talentos, presentado por Santi Millán e co xurado integrado por Tamara Falcó, Paula Echevarría, Florentino Fernández e Risto Mejide, que apostaron polo tenor asturiano afincado en Vigo, quen canta día a día no corazón olívico, con todo o corazón na rúa do Príncipe.

Carusso de Pavarotti na súa voz foi a clave do triunfo, seguindo o mesmo camiño para chegar á semifinal.