Desde o 27 de xullo ata o 7 de setembro, o público poderá desfrutar dunha programación variada coas festas máis esperadas e novidades.
O Concello de Salvaterra de Miño presenta o Verán Cultural 2024, unha programación dirixida a todo o público, desde os maiores ata os máis pequenos, que contan coma sempre cun apartado especial.
O inicio da programación máis esperada do ano terá lugar o 27 de xullo co concerto de Carlos Núñez, que volve un ano máis a Salvaterra de Miño dentro da súa xira “Lugares Máxicos”. As entradas están á venda no Museo da Ciencia do Viño e na web ataquilla.com. Dentro do calendario para o verán non podían faltar festas tan importantes e destacadas como O Mundo a Danzar, O Son da Muralla ou Imos de Guateque, que continúan crecendo en público ano tras ano e que son un atractivo dentro e fóra do noso Concello. A Festa do Viño do Condado do Tea chega á súa sexaxésima quinta edición, onde destacan as catas populares, o Túnel do Viño, a gastronomía e os concertos con nomes destacados como Luar na Lubre, De Vacas ou Roi Casal.
Nos próximos días chegará ás casas toda a programación detallada do Verán Cultural de Salvaterra de Miño, pero xa adiantamos aquí as datas:
- Sábado 27 de xullo: Concerto “Carlos Núñez”
- Luns 29 de xullo: Festa da Espuma e Animación Musical
- Mércores 31 de xullo: Festa de Hinchables de Auga
- Xoves 1 de agosto: Baile Moderno
- Venres 2 de agosto: Festival Folclórico A.C. Pontenova
- Sábado 3 de agosto: O Son da Muralla
- Luns 5 de agosto: O Mundo a Danzar
- Mércores 7 de agosto: Concerto da Orquestra Clásica de Vigo
- Xoves 8 de agosto: Concerto de Corais de Salvaterra e Banda de Música de Salvaterra
- Venres 9 e Sábado 10 de agosto: Festa de San Lourenzo
- Sábado 10 de agosto: Imos de Guateque
- Luns 12 de agosto: Cine Infantil
- Martes 13 de agosto: Cine Infantil
- Mércores 14 de agosto: Desfile de Moda
- Venres 30 de agosto: Encontro de Bandas
- Sábado 7 de setembro: Tempo Atrás de Dramiño
A programación para os días 23, 24 e 25 de agosto coa LXV Festa do Viño do Condado do Tea será a seguinte:
- Venres 23 de agosto: Inauguración e concertos de “Roi Casal”, “D’Crooners” e “Momboi”.
- Sábado 24 de agosto: Concertos de “Luar na Lubre”, “De Vacas” e “Club Naval”.
- Domingo 25 de agosto: Concertos de “Lenha Verde”, “Black Lovers” e “Somoza Trío”.
Agardámosvos neste verán en Salvaterra de Miño.
