Son de Naiama, pezas da música tradicional

Domingo 25 de xullo, ás 12.30 horas, en Fozara, Ponteareas

Nova cita musical esta fin de semana en Ponteareas. Este domingo 25 de xullo o programa Cultura24 levará ao terreiro de Fozara o son de Naiama, unha asociación cultural dedicada a fomentar a cultura galega recuperando pezas da música tradicional.  A actuación será ás 12.30 horas, de balde e cumprindo con todas as medidas de prevención necesarias ante a actual situación sanitaria.

A través deste programa a Concellaría de Cultura, que dirixe Fernando Groba, procura levar a actividade cultural e de lecer ás 24 parroquias do municipio, dinamizando os centros culturais e o propio tecido creativo da vila. O Cultura24 continuará coa súa oferta de actuacións en diferentes puntos do concello ata o vindeiro mes de outubro.

Print Friendly, PDF & Email
Me gusta
Me gusta Me encanta Me divierte Me asombra Me entristece Me enfada