‘Castelao grafista (facsímile)’ no Café Moderno Afundación en Pontevedra

Afundación, a Obra Social de ABANCA, acollerá mañá, xoves 24 de setembro, ás 11.00 h, a rolda de prensa da exposición «Castelao grafista (facsímile)», desenvolvida en colaboración coa Fundación Gonzalo Torrente Ballester, a Real Academia Galega de Belas Artes e Turismo de Galicia. No acto estarán Miguel Fernández Cid, comisario da exposición; Teresa Saiz, directora da Fundación Gonzalo Torrente Ballester; Manuel Quintana Martelo, presidente da Real Academia Galega de Belas Artes; Anxo Lorenzo, director xeral de Políticas Culturais da Xunta de Galicia; e M.ª Teresa Cores, coordinadora da Área de Cultura de Afundación.

«Castelao grafista (facsímile)» permanecerá aberta ata o vindeiro 23 de xaneiro de 2021 e poderase visitar de luns a venres de 17.30 a 20.30 h e sábados de 11.00 h a 14.00 h e de 17.30 a 20.30 h. Ademais, están previstas visitas guiadas gratuítas para o público xeral os días 1 de outubro, 5 de novembro, 3 de decembro e 7 de xaneiro ás 18.00 e ás 19.30 h para todas aquelas persoas que se inscriban aquí previamente.

A mostra reúne 19 facsímiles da Colección de Arte Afundación e 89 debuxos do álbum Cousas da vida de Castelao, dos que 49 pertencen á Colección de Arte ABANCA. Ademais, no Café Moderno Afundación poderanse ver 3 retratos fotográficos, 4 caricaturas e 17 debuxos e portadas de revistas. Así mesmo, poderase ler o texto orixinal do álbum Nós e contemplar 2 manuscritos de Castelao, 18 cubertas das primeiras edicións dos seus libros, 3 páxinas interiores, 14 portadas de libros ilustradas por Castelao e 3 debuxos.