viernes. 29.03.2024

A alcaldesa de Mos, Nidia Arévalo, e a concelleira de Promoción Empresarial, Economía e Emprego mosense, Julia Loureiro, anunciaron hoxe a posta en marcha da plataforma 'Quédate en Mos. Todo ao teu alcance', creada para promocionar e apoiar aos negocios e ao comercio locais e darlle o pulo que precisan para lograr saír desta crise derivada do COVID-19.

Trátase dun portal que se inclúe como unha sección da páxina web do Concello, www.mos.es que pretende a promoción dos negocios locais proporcionando un listado de todos os existentes en Mos e incluíndo os datos de cada un, tales como teléfono, horario, dirección, se prestan servizo a domicilio, se é precisa solicitude de cita previa…entre outros.

Hoxe a última hora

estará rematada esta nova plataforma que será operativa a partir de mañá.

Inclúe preto de 300 negocios, 287 para ser exactos, pero conta tamén cun

apartado para que todo o que queira estar presente na mesma e aínda non o estea

poida poñerse en contacto coa Axencia de Colocación de Mos e participar nesta

iniciativa na que o número de integrantes está aberto e poden ir aumentando

respecto dos agora existentes.

Os primeiros negocios en aparecer no portal 'Quédate en Mos' e que comezarán a promocionarse a partir deste sábado son os vinculados aos subministros e servizos do día a día tales como alimentación, panadería, froitería, hostelería, carnicería, perruquería e estética, ximnasios, floristerías, ferreterías, agros, tendas de roupa e deporte… etc.

A vindeira semana

incorporaranse os negocios locais relativos a oficios e servizos de

construcción e mantemento tales como fontanería, carpintería, construcción,

viveiros, maioristas… etc.

Todos os negocios

estarán clasificados por categorías para que a navegación web sexa máis sinxela

e intuitiva para o usuario e cliente potencial dos mesmos.

Sobre esta plataforma as representantes municipais, Arévalo e Loureiro, destacaron que “en Mos temos a sorte, a pesares de ser un municipio cunha grande extensión e dispersión poboacional, e eminentemente rural, de ter todo tipo de negocios que nos permiten o autoabastecemento sen ter que saír da nosa localidade. Por iso en momentos de crise coma estes queremos axudalos e apoialos animando á poboación mosense a consumir do noso, porque xuntos é o xeito de que saiamos adiante e por iso decidimos desde a administración local mosense poñer en marcha esta ferramenta de fomento do consumo nos negocios locais. Apoiándonos os mosenses uns aos outros lograremos saír desta crise”, concluíron.

'Quédate en Mos. Todo ao teu alcance', campaña para promoción do comercio local