jueves. 28.03.2024
Este sábado 16 de maio, ás 22.45 horas

A segunda canle da TVG emite a ópera galega 'A amnesia de Clío'

Mañá xoves o compositor, Fernando Buíde, e a directora escénica, Marta Pazos, manterán un encontro virtual co público
A Real Filharmonía de Galicia estreou esta ópera en novembro de 2019 no Auditorio de Galicia, en Santiago de Compostela, baixo a batuta do seu director titular e artístico, Paul Daniel, coa colaboración como director asistente do mestre galego Pablo Devigo.
A Real Filharmonía de Galicia estreou esta ópera en novembro de 2019 no Auditorio de Galicia, en Santiago de Compostela, baixo a batuta do seu director titular e artístico, Paul Daniel, coa colaboración como director asistente do mestre galego Pablo Devigo.

A segunda canle da TVG vai emitir este sábado, 16 de maio, a estrea televisiva da ópera galega A amnesia de Clío. Será ás 22:45 horas, no marco da programación especial do Día das Letras Galegas. Ao día seguinte, o domingo 17, haberá unha redifusión da ópera arredor da medianoite na primeira canle da TVG, na TVG internacional e en www.crtvg.es.

O compositor da ópera, Fernando Buíde, e a directora escénica e escenógrafa, Marta Pazos, manterán un encontro virtual co público antes da estrea. Será mañá xoves, 14 de maio, a partir das 19:00 horas. Realizarase a través das redes sociais da compañía Voadora (https://www.instagram.com/voadora_/), que coproduce este espectáculo xunto ao Consorcio de Santiago-Real Filharmonía de Galicia, Centro Dramático Galego, Xunta de Galicia e a Asociación Amigos da Ópera de Santiago de Compostela. A ópera está realizada co apoio da Deputación da Coruña, o Concello de Santiago de Compostela e o Concello da Coruña; e co patrocinio do Xacobeo 2021. A obra é o resultado dun proxecto desenvolto coa Beca Leonardo a Investigadores y Creadores Culturales 2017 da Fundación BBVA.

A Real Filharmonía de Galicia estreou

esta ópera en novembro de 2019 no Auditorio de Galicia, en Santiago de

Compostela, baixo a batuta do seu director titular e artístico, Paul Daniel,

coa colaboración como director asistente do mestre galego Pablo Devigo. Tamén

se representou no Teatro Colón da Coruña e no Auditorio Municipal de Ourense

(neste caso en versión concerto).

ENCONTROS

Na charla

previa á estrea intervirán o compositor Fernando Buíde e a directora escénica e escenógrafa

Marta Pazos. Fernando Buíde (Santiago,

1980) doutorouse na Universidade de Yale e foi compositor residente na Real

Academia de España en Roma. Durante a temporada 2014-15 foi o compositor

español actual máis programado por orquestras sinfónicas profesionais de

España. Entre outros premios recibiu o AEOS-BBVA na súa sétima edición, o premio

Michael Friedmann de investigación da Universidade de Yale ou o premio Harry

Archer de composición orquestral.

Buíde explica

que A amnesia de Clío é

“unha viaxe extravagante, na que a realidade histórica e a ficción políticas se

entrecruzan para dar lugar a unha ópera contemporánea, cun pé na realidade e

outro na distopía, unha distopía escrita en clave feminista”. É unha ópera en

tres actos, froito de case dous anos de traballo do compositor, que aborda a

entrada da muller na alta política e no mundo da arte. A protagonista é a musa

Clío, encarnada no libreto por unha muller forte, unha artista plástica cunha

vida chea de matices que a levan a desembarcar na vida política.

A

directora escénica da ópera, Marta Pazos (Pontevedra,

1976) é cofundadora e directora artística da compañía Voadora. Comeza a dirixir

en 2000. As súas creacións foron programadas no Centro Dramático Nacional,

Centro Dramático Galego, Temporada Alta, Festival de Almagro, Clásicos en

Alcalá, Olmedo Clásicos… Os espectáculos que dirixiu presentáronse en Brasil,

Mozambique, República Checa, Francia ou Portugal. Conta, entre outros galardóns,

con tres Premios de Teatro María Casares (dous como directora e un como

escenógrafa) e o terceiro premio do Certamen Nacional de Directoras de Torrejón.

Destaca a súa recente ópera Je suis narcissiste, estreada no Teatro Real

de Madrid.

GRANDES VOCES

En A amnesia de Clío o rol

principal, o da musa Clío, interprétao a soprano Raquel Lojendio. O barítono Sebastià

Peris desenvolve o rol do expresidente dos Estados Unidos George W. Bush. Pola

súa parte, a mezzosoprano Marina Pardo

interpreta a Angela Merkel e á sarxento norteamericana Leslie Zimmerman. O

elenco de voces complétao o compostelán Orfeón Terra A Nosa, dirixido desde

1984 polo mestre Miro Moreira.

#AMiñaNoiteNaÓpera

Un dos principais esforzos da Real Filharmonía de Galicia oriéntase a

achegar a orquestra e a música clásica a todos os públicos. “Animamos aos

espectadores a gozar coa estrea televisiva desta ópera e convidamos ao público

a vivir esta experiencia dun xeito especial e a compartir a súa foto nas redes

sociais co hashtag #AMiñaNoiteNaÓpera” -sinalan desde a RFG-.

A segunda canle da TVG emite a ópera galega 'A amnesia de Clío'