19 de febrero de 2020, 19:02
O secretario xeral para o Deporte, José Ramón Lete Lasa, asistiu hoxe na Illa das Esculturas de Pontevedra ao Campionato Galego de Campo a Través Adaptado. A competición celebrada pola Fedración Galega de Deporte Adaptado en colaboración coa Xunta de Galicia contou coa participación de preto de 200 deportistas galegos e galegas. A vitoria en homes foi para o atleta Alejandro Montero que suma deste xeito o seu terceiro triunfo consecutivo, mentres que en mulleres gañou a atleta Natalia Charlín.
