jueves. 28.03.2024

Continúa a notable tendencia á alza das licenzas de obra maior e de primeira ocupación concedidas en Mos. Como cada ano ao remate do exercizo, o departamento municipal de Urbanismo, que dirixe o concelleiro Alberto Méndez, fai balance das licenzas xestionadas pola devandita concellería durante o ano finalizado, segundo comunicado municipal.

Neste caso, comezando o 2020 e recén rematado o 2019,

os datos seguen a progresión ascendente iniciada en 2017 coa aprobación do Plan

Xeral de Ordenación Municipal. O importantísimo aumento

das licenzas urbanísticas concedidas anualmente reflíctese nas porcentaxes de crecemento do número total de licenzas:

que en 2019 aumentaron nun 14,5%

respecto de 2018, pasando de 397 a 454, xa no ano 2018 incrementáranse

tamén nun 16% as licenzas concedidas respecto das do 2017, e en 2017 creceran

un 6% respecto do exercizo anterior de 2016.

Precisamente

esta mañá a alcaldesa de Mos, Nidia Arévalo, e o concelleiro mosense de Urbanismo,

Alberto Méndez, fixeron públicos estes datos que ofrecen un balance moi

positivo respecto da actividade neste departamento que, segundo consideran os

representantes municipais, “foi en gran parte grazas ao pulo que supuxo a

implantación do Plan Xeral”.

Ademais da

implantación do PXOM mosense, aprobado definitivamente en xaneiro de 2017,

estas cifras veñen tamén derivadas do crecemento do Parque Empresarial

PEMOS-Veigadaña, que se atopa ao 94% de ocupación, e o potencial como Concello

Emprendedor Doing Business Galicia, que fan que Mos leve experimentando nos

últimos anos un aumento importantísimo das licenzas urbanísticas concedidas.

Dentro da suba

do total de licenzas concedidas o pasado 2019, os datos que máis despuntan son

os do número de licenzas de obra maior e de primeira ocupación.

As licenzas de obra maior concedidas en 2019 crecen un 31% respecto de 2018,

pasando de 84 a 110. Dentro destas, as que máis se incrementaron foron

as de nave industrial e as de acondicionamento de parcela,

prácticamente duplicándose en ambos casos e pasando de 6 a 11 as

primeiras e de 6 a 10 as segundas. E tamén dentro das licenzas de obra

maior as máis numerosas foron as concedidas para vivenda: un total de 24. O que demostra que o de Mos é un

Concello ideal tanto para vivir como para desenvolver unha actividade

empresarial e/ou industrial.

Outro do tipo

de licenzas cun despunte máis que significativo é o de primeira ocupación. Que duplica en 2019 a cifra de 2018 pasando

de 7 a 15 licenzas concedidas cunha porcentaxe de crecemento do 142%. Dato que refrenda novamente a realidade de que

Mos é un Concello ideal para vivir e cada vez hai máis persoas que o elixen

como lugar para construír e establecer a súa residencia.

Tamén creceron

en 2019 as licenzas de actividade, comunicación

previa e declaración responsable, pasando de 99 en 2018 a 101

en 2019; o que supón un aumento do 2%.

E por último,

tamén se produciu un incremento do 12%

nas licenzas de obras menores e

comunicacións previas de obra menor, pasando de 198 en 2018 a 222

en 2019. Entre elas as máis abundantes foron as de acondicionamento de vivenda: un total de 78 en 2019 (fronte

ás 71 de 2018), seguidas das de canalización

de gas: un total de 66 en 2019 (fronte ás 53 de 2018). E

tamén foi moi significativo o crecemento do número de licenzas concedidas para obras asociadas a actividade, cuadruplicándose

a cifra que pasou de 1 licenza en 2018 a 4 en 2019.

Destes datos

conclúese que “a existencia e implantación dun PXOM está animando aos

particulares e ás empresas a establecer ou consolidar a súa residencia ou

negocio, respectivamente, en Mos; e que a localidade mosense está a ser

percibida e considerada como un bo municipio para vivir e crecer

empresarialmente”, explican Arévalo e Méndez.

Mos vive un repunte de licenzas urbanísticas