viernes. 29.03.2024

Afundación, a Obra Social de ABANCA, e Ámbito Cultural de El Corte Inglés

celebrarán mañá martes 17 de decembro, ás 12.30 h, no Café Moderno Afundación

de Pontevedra, o acto de entrega do XVI Premio Afundación de Xornalismo

Fernández del Riego, outorgado a Inma López Silva polo seu artigo «Terra rota»

publicado no diario La Voz de Galicia o 10 de abril de 2018. Acompañarán

á premiada o presidente de Afundación, Miguel Ángel Escotet; o director de

Comunicación e Relacións Institucionais de El Corte Inglés en Galicia e

Asturias, Pati Blanco; o presidente do xurado, Alfredo Conde; e o secretario do

xurado, Carlos Valle.

O premio, ao que se presentaron 20 artigos publicados entre o 1 de

xaneiro e o 31 de decembro de 2018, está dotado con 6000 €. A galardoada súmase

deste xeito a unha nómina de premiados entre os que se atopan nomes do talle de

Santiago Lamas, Xosé Carlos Caneiro, Manuel Darriba, Manuel Bragado, Luís

Pousa, Tamara Montero, María Varela ou Santiago Jaureguízar.   

Inma López Silva é escritora e crítica teatral. Naceu en Santiago

de Compostela no 1978. Na universidade da súa cidade natal licenciouse e

doutorou en Filoloxía. Diplomada en Estudos Teatrais pola Universidade da

Sorbona , actualmente combina a actividade literaria coa docencia na Escola

Superior de Arte Dramática de Galicia, onde ensina Teorías do Teatro e desde

onde desenvolve unha intensa actividade crítica que se materializa nas súas

publicacións en Tempos Novos, Revista Galega de Teatro, ADE

ou Grial. Columnista en La Voz de Galicia, é autora dunha ducia

de libros e destacada escritora de ficción.

Inma López Silva recibe o XVI Premio Afundación de Xornalismo Fernández del Riego